Ekskluzive/ Veliaj për “Argument”: Kandidati që do të doja përballë!

Kryebashkiaku i Tiranës, në një lidhje direkte në emisionin “Argument” në SCAN, ka folur për kandidatin që do të donte të kishte përballë në zgjedhjet vendore.

“Nuk mund të hedh unë kandidatët kundërshtarë. Nëqoftëse ata mendojnë që më të mirët që kanë janë Saliu me Lulin, le të vijnë të dy bashkë, njëri të kandidojë për kryetar, njëri për kryetar këshilli, duke qenë se tani janë dhe të papunë, janë dhe pa mandat deputeti, kështu që janë të lirshëm.

E shikoj që të dy po merren, Saliu sidomos po merret shumë me çështje lokale, si një njeri që i ka sjellë “të mira” këtij vendi, jam i bindur që ka plot ide si mund ta bëjë më mirë këtë punë.

Ideale do të ishte që Saliu dhe Luli të vinin tani që janë pa asnjë angazhim tjetër politik edhe le ta shohin realisht si funksionon Tirana dhe se si Tirana qytetare i përgjigjet dhunës dhe bullizmit të cilët kanë imponuar ditët e fundit” tha Erion Veliaj.

Ndër të tjera, kryebashkiaku i Tiranës nuk la pa përmendur takimin e së shtunës në Kongresin e Partisë Socialiste, ku do të bëhen të ditur kandidaturat zyrtare për zgjedhjeve lokale të 30 qershorit.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.