Eksperimenti italian me diskotekat – Pronarët e lokaleve: “Vaksinoni të rinjtë me ne”

Italia do të realizojë një eksperiment në dy klube të ndryshme, njëri në ambient të mbyllur ndërsa tjetri të hapur, për të verifikuar kushtet për rihapjen e klubeve në mënyrë që të ndodhë sa më shpejt të jetë e mundur. Kjo është iniciativa e nisur nga Silb-Fipe, shoqata italiane e biznesit dhe argëtimit.

Eksperimentimi në ambientin e jashtëm do të zhvillohet në 5 Qershor në Galipoli, në ‘Praia’, ku 2 mijë njerëz do të hyjnë vetëm me lejen e gjelbër dhe në dalje klientët e lokalit do të duhet t’i nënshtrohen një tamponi të ri. “Ne kemi autorizimin e Rajonit të Pulias”, shpjegon Maurizio Pasca, president i Silb. Në Milano prova do të zhvillohet në Fabric, një klub nate i mbyllur.

“Ne i ofrojmë qeverisë dhe Komisionerit Figliuolo gatishmërinë tonë për të organizuar ditë të hapura për vaksinat në diskotekë në funksion të ngjarjeve të verës, në mënyrë që gjithnjë e më shumë të rinj të mund të arrihen në fushatën e vaksinave”, u shpreh presidenti Silb-Fipe, shoqata argëtuese, Maurizio Pasca.

“Do të na duhen gazebo dhe hapësira të jashtme, por nëse qeveria e gjykon të përshtatshme mund ta diskutojmë. Ne jemi në dispozicion: sa më shpejt që të gjithë të vaksinohen, aq më shpejt të kthehemi në normalitet do të duhet që të gjithë të japin kontributin e tyre”, shtoi Pasca. (ANSA)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.