Eksperimenti më i madh në botë: Koronavirusi shtyn njerëzit të punojnë nga shtëpia!

Falë shpërthimit të koronavirusit, të punosh nga shtëpia nuk është më një privilegj, por tashmë është kthyer në një domosdoshmëri.

Ndërsa fabrikat, dyqanet, hotelet dhe restorantet paralajmërojnë po vuajnë reduktimin masiv të konsumatorëve pasi qendrat e qyteteve janë shndërruar në qytete ‘fantazmë’, pas dyerve të mbyllura të apartamenteve dhe shtëpive periferike, mijëra biznese po përpiqen të kuptojnë se si të qëndrojnë operacionalë në një botë virtuale.

“Është një mundësi e mirë për ne që të provojmë të punojmë nga shtëpia në shkallë,” tha Alvin Foo, drejtori i Reprise Digital, një agjenci reklamash në Shanghai, me 400 persona që është pjesë e Grupit Interpublik. “Natyrisht, nuk është e lehtë për një agjenci reklamuese krijuese  e cila bazohet në të punuarit personalisht me klientin më së shumti po do të nënkuptojë shumë biseda video dhe thirrje telefonike,” tha ai.

Grupet e njerëzve që punojnë nga shtëpia do të bëhen ‘ushtri’ shumë shpejt pasi për momentin, shumica e njerëzve në Kinë janë ende me pushime për Vitin e Ri Lunar. Por, ndërsa kompanitë kineze do të rifillojnë punën, ka të ngjarë të nisi eksperimenti më i madh në botë i punës nga shtëpia.

Kjo do të thotë shumë më tepër njerëz që përpiqen të organizojnë takime të klientëve dhe diskutime në grupe përmes aplikacioneve videochat, ose diskutimi i planeve në platformat e softuerëve të produktivitetit, si WeChat Work ose Bytedance’s Slack- si Lark.

Pararojat për modelin e ri të të punuarit në këtë lloj forme janë qendrat financiare kineze të Hong Kongut dhe Shanghai, qytetet që zona financiare qendrore biznesesh që mbështeten në qindra mijëra punonjës zyrash në financë, logjistikë, sigurime, ligj dhe punë të tjera zyre. (Fortune)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.