Ekspertët britanik: “Dozat e dyta të vaksinave mund të merren edhe pas dy muajsh nga e para”
Ekspertët kryesorë të vaksinave kanë mbështetur vendimin e qeverisë për të vonuar dozën e dytë deri në dy muaj, pasi mjekët paralajmëruan se strategjia po provohej “gjithnjë e më e vështirë për t’u justifikuar”.
Shoqata Mjekësore Britanike (BMA), e cila përfaqëson mjekët, ka sugjeruar që Britania e Madhe është “izoluar gjithnjë e më shumë ndërkombëtarisht” duke vendosur që doza e dytë e vaksinës Pfizer mund të vonohet, dhe bëri thirrje për një vonesë maksimale prej gjashtë javësh. Sidoqoftë, disa shkencëtarë të shquar mbështetën planin e qeverisë për të maksimizuar numrin e njerëzve që marrin dozën e parë.
Dr Mike Osborn, president i Kolegjit Mbretëror të Patologëve, tha se kolegji mbështet planin qeveritar për të vonuar dozat e dyta. “Të dhënat dhe informacionet që na janë ofruar mbështesin mënyrën e përdorimit të vaksinës, e cila është krijuar posaçërisht për të vaksinuar sa më shumë njerëz për të mbrojtur sa më shumë popullatën,” tha ai. “Kjo duket se është mënyra më e mirë përpara – duke pasur parasysh se kjo është një situatë në zhvillim shumë të shpejtë”.
E gjithë kjo vjen ndërsa udhëheqësit e NHS paralajmërojnë kundër çdo sugjerimi që masat e bllokimit mund të fillojnë të hiqen nga fillimi i marsit. Ata thonë se çdo lëvizje e tillë mbetet shumë e rrezikshme.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.