Ekspertët parashikojnë një verë me kaos udhëtimesh. Ja përse!
Kufizimet e udhëtimit po lehtësohen, shkalla e infeksionit po qetësohet, shumica e njerëzve janë plotësisht të vaksinuar dhe më në fund mund të shkohet me pushime. Ky është viti për të kompensuar pushimet që nuk i keni shijuar gjatë dy viteve të fundit. Ndërsa mund t’i keni marrë të gjitha parasysh, nuk mund të thuhet e njëjta gjë për të gjithë industrinë e udhëtimeve.
Jo vetëm që ka rregulla gjithnjë në ndryshim për testimin, vaksinat dhe karantinat që duhen respektuar kur udhëtoni; por pasi të keni rregulluar anën tuaj, arritja në destinacionin tuaj duket të jetë e mbushur me vështirësi.
Maja e tabelës së kaosit? Aviacioni. Industria, natyrisht, u shkatërrua nga pandemia, por shumë linja ajrore dhe aeroporte aktualisht duken të paaftë për të përballuar rigjallërimin e udhëtimeve. Vendet në të dy anët e Atlantikut po shohin një mori fluturimesh të anuluara për shkak të mungesës së ekuipazhit, radhëve të gjata në aeroporte falë mungesës së stafit dhe llojit të tarifave për makinat me qira që e bëjnë blerjen e një automjeti të duket e lirë.
Kjo, pjesërisht, sepse të gjithë kanë të njëjtën ide si ju vetëm këtë javë, CEO i Delta Air Lines Ed Bastian njoftoi se marsi i vitit 2022 ka qenë muaji më i mirë për shitjet e transportuesit në historinë e tij. Duke u përballur me kërkesë të paprecedentë, industria shumë e reduktuar po përpiqet të përballojë.
Në SHBA, gjërat kanë ardhur duke u zhvilluar vitin e kaluar, pasi udhëtimet e brendshme kanë marrë sërish hov. Ndërkohë në Mbretërinë e Bashkuar, kaosi në aeroportet kryesore ka bërë lajme çdo ditë gjatë dy javëve të fundit dhe ka parë që transportuesi kombëtar, British Airways, të raportojë te rregullatori i industrisë për shkelje të mundshme të ligjit.
Përvoja e fluturimit mund të jetë më e qetë diku tjetër në Europë, por makinat me qira nuk janë. Një makinë mund t’ju kushtojë më shumë se hoteli juaj dhe kjo është përpara se të merrni parasysh rritjen e çmimeve të gazit. Mirësevini në një verë kaosi? Le të shpresojmë jo, por shifrat e industrisë kanë frikë se do të jetë. CNN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.