Eksperti i energjisë në ‘Argument’, flet mbi avantazhet ekonomike dhe mjedisore të parkut fotovoltaik që do ndërtohet në Spitallë
I ftuar në studion e “Argument” nga Enio Civici, eksperti i energjisë Lorenc Gordani është shprehur mbi parkun e ri fotovoltaik në Spitallë të Durrësit, ndërtimi i të cilës është paralajmëruar sot nga Kryeministri Edi Rama.
Fillimisht Z.Gordani ka sqaruar terminologjinë, duke specifikuar se park fotovoltaik është një mekanizëm që prodhon energji elektrike nga drita e diellit. “Ky është një projekt strategjik që do të prodhojë 100 mega energji, pra mund të furnizojë rreth 200 mijë shtëpi. 70% e energjisë së tij do të hidhet në bursë, pra do ketë konkurrencë dhe mund të jetë fitimprurëse për biznesin e energjisë në Shqipëri.“
Përvec aspektit ekonomik, parku është i mirë për mjedisin, duke u ndërtuar në një zonë strategjike që do të marrë një ritëm të ri zhvillimi pas ndërtimit të infrastrukturës, ka theksuar Z.Gordani.
Projektet e Karavastas dhe Spitallës sipas Z.Gordani do të zënë 5% të prodhimtarisë së energjisë që konsumon Shqipëria. “Është nën objektiv, por është gjithsesi një hap i mirë, duke patur parasysh dhe që parqet fotovoltaike ndërtohen shumë shpejt krahasimisht me projekte të tjera“ ka thënë Z. Gordani.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.