Elbasan, Rama në Panairin e Punës – Mbi 10 mijë të punësuar në vetëm 3 muaj
Gjatë ditës së sotme, në qytetin e Elbasanit është hapur Panairi i Punës. Kryeministri Edi Rama shkoi në të gjitha stendat për t’u njohur me nevojat, problematikat si dhe nxitjen evendeve të reja të punës.
1576 vende të lira pune janë afishuar në këtë panair, të cilat i përkasin profileve nga më të ndryshmet.
Kryeministri Rama gjatë kalimit nëpër stenda u shpreh dhe tha se objektivi i vendosur për punësimin mund të arrihet pasi vetëm në një periudhë 3 mujore janë punësuar mbi 10 000 persona.
“Duhet të bëjmë më shumë, por jemi në rrugë të mbarë, mund të kalojmë objektivin e synuar. Vetëm për një periudhë 3-mujore janë punësuar 10 mijë e 300 persona nga Zyrat e Punës”, u shpreh Kryeministri.
Gjithashtu kryeministri tha se papunësia në qarkun e Elbasanit është ulur me 5.4% vitin e fundit dhe ka ardhur si rezultat i cilësisë së zyrave të punës.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.