Elon Musk nuk e vlerëson seriozisht koronavirusin! Vazhdon të mbajë fabrikën hapur
Elon Musk ka minimizuar ashpërsinë e epidemisë së koronavirusit, duke i cilësuar si informacione të rreme ato për efektin e sëmundjes tek fëmijët. Ndaj, ai e ka mbajtur të hapur fabrikën e tij veriore të Kalifornisë, megjithëse një urdhër i qeverisë ka kërkuar izolimin dhe vetekarantimin e banorëve. Por, nga ana tjeter, sipërmarrësi miliarder thotë gjithashtu se ai është i gatshëm të ndihmojë në këtë krizë.
Të enjten, shefi ekzekutiv i Tesla u perfshi në debatin globale mbi krizën e koronavirusit, duke njoftuar në Twitter se kompanitë e tij “do të prodhojnë ventilatorë nëse ka mungesë”.
Mes paralajmërimeve për një mungesë të mundshme të pajisjeve të ndihmës në frymëmarrje për të trajtuar pacientët Covid-19 në spitalet amerikane, oferta e tij terhoqi vëmendjen e kryetarit të bashkisë së New York-ut, Bill de Blasio, i cili bëri menjëherë porosinë për qytetarët e tij.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.