Emergjenca shtetërore në Itali. Conte fiton mbështetje për ta zgjatur deri në mes të Tetorit
Dhoma e lartë e parlamentit italian miratoi një kërkesë nga Kryeministri Giuseppe Conte për të zgjatur gjendjen e emergjencës shtetërore deri më 15 Tetor, duke zgjatur edhe fuqitë e qeverisë për të luftuar krizën e koronavirusit. Opozita e kishte kundërshtuar, duke akuzuar Conte se po përpiqet të mbajë më shumë fuqi në duart e tij, pavarësisht rënies së dukshme të normës së infektimit. Megjithatë, senati e kaloi masën me 157 vota pro dhe 125 kundër, në dhomën e lartë prej 319 vendesh. Conte lajmëroi gjendjen 6-mujore të emergjencës më 31 Janar, kur 2 rastet e para të koronavirusit u konfirmuan në Romë.
Ekzistojnë situata të infeksionit në shumë vende të botës që nuk kanë shenja të përmirësimit dhe situata në vende shumë pranë nesh, madje në kufi me ne, si Franca, shtetet ballkanike dhe Spanja, që kanë nevojë për mbikëqyrje të kujdesshme për të parandaluar rritjen e infeksionit.
Megjithatë, ai u tërhoq nga planet fillestare për ta zgjatur gjendjen e emergjencës deri në fund të vitit, duke thënë se kërkon vetëm një rinovim deri në mes të Tetorit. Gjendja e emergjencës shtetërore i jep fuqi më të mëdha qeverisë qendrore dhe rajonale, përfshirë thjeshtësi për ministrat që të deklarojnë zonat e kuqe nëse sëmundja rikthehet, si dhe furnizimin e spitaleve me burime. Kjo shkurton gjithashtu burokracitë, ndërkohë që zyrtarët përgatiten për të rihapur shkollat në Shtator.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.