Emërohet drejtori i ri i Galerisë Kombëtare të Arteve – Kush është Erzen Shkololli
Erzen Shkololli emërohet drejtor i Galerisë Kombëtare të Arteve. Vendimi është marrë në mbledhjen e Këshillit të Ministrave. Shkololli zëvendëson në këtë post Artan Shabanin, i liruar nga detyra një muaj më parë.
42 vjeçari Erzen Shkololli ka lindur në Pejë të Kosovës. Artisti nga Kosova njihet për punën e tij si kurator i ekspozitave në arenën ndërkombëtare.
Më herët, Erzen Shkololli ka drejtuar Galerinë Kombëtare të Kosovës për katër vite me radhë, deri në shtator të vitit 2015. Nga komuniteti artistik ai u cilësua si udhëheqës që ringjalli Galerinë Kombëtare të Kosovës dhe ndikoi shumë në avancimin e saj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.