Emrat/ Cilët janë kandidatët më të votuar në PD-së në këto zgjedhje? Ecuria e numërimit të votave emërore
Në Berat janë numëruar 113 Qv nga 277 në total. Deri më tani më i votuar rezulton kandidati Bujar Hoxhaj me numrin 4 me 2 mijë e 697 vota. Në Dibër ku janë numëruar 77 nga 227 qv në total, më e votuar rezulton Dhurata Çupi në vend të 3 me 2 mijë e 649 vota.
Në Durrës nuk ka ende të dhëna nga numërimi i votave të kandidatëve.
Në Elbasan, kandidati më i votuar deri më tani (numëruar 207 nga 511 qv) rezulton Dashnor Sula i renditur i katërti me 5 mijë e 406 vota. Në Fier kandidati më i votuar deri tani (numëruar 124 nga 580 qv) rezulton Agron Kapllanaj me numrin 7 që ka marrë 3 mijë e 347 vota.
Në Gjirokastër, rezulton kandidati Myzafer Elezi në i renditur i pesti me 1 mijë e 630 vota (numëruar 134 nga 207 qv në total) . Në Korçë më i votuar deri tani kur janë numëruar 208 nga 427 QV është Ervin Salianji i renditur i treti me 4 mijë e 886 vota.
Në Kukës është kandidati Flamur Hoxha i renditur i pari që deri tani ka marrë 9 mijë e 159 vota (numëruar të gjitha kutitë). Në Lezhë më i votuar deri tani (numëruar 107 nga 249 QV) është Mark Marku që kryeson listën me 3 mijë e 559 vota. Në Shkodër më i votuar deri tani (numëruar 181 nga 411 QV) rezulton Lodovik Hasani i renditur i 6-i me 2 mime 3 mijë e 451 vota ndërsa në Tiranë më i votuar rezulton Belind Këlliçi me 883 vota (numëruar 26 nga 1243).
Në Vlorë, më i votuari është kryesuesi i listës Bujar Leskaj me 4 mijë e 787 vota në 352 qendra votimi të numëruara nga 445 në total.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.