Emrat/Kush janë ministrat e qeverisë së drejtuar nga Albin Kurti

Kryeministri i mandatuar i Kosovës Albin Kurti ka prezantuar kabinetin e tij qeverisës. Zëvendëskryeministri i parë do të jetë Avdullah Hoti ndërsa zëvendëskryeministri i dytë, Haki Abazi.

Ministër i Punëve të Jashtme do të jetë, Glauk Konjufca, ndërsa ministër i Punëve të Brendshme, nënkryetari i LDK-së, Agim Veliu. Ministre të Drejtësisë nga radhët e LVV-së do të jetë, Albulena Haxhiun, ministër të Integrimeve Evropiane, Blerim Reka,.

RTK raporton se Ministër i Financave është Besnik Bislimi ndërsa ministre e Ekonomisë, Rozeta Hajdarin. Dikasteri i Ministrisë së Shëndetësisë i është besuar Arben Vitisë.

Zëdhënësi i LDK-së dhe deputeti i legjislaturës së shtatë, Besian Mustafa do të jetë ministër i Bujqësisë.  Anton Quni është nominuar për ministër të Mbrojtjes dhe Lumir Abdixhiku, ministër i Infrastrukturës dhe Transportit.

“Dy gratë e propozuara për ministre, nga radhët e LDK-së janë, Vlora Dumoshi e cila do të jetë në krye të Ministrisë së Kulturës, Rinisë dhe Sportit si dhe Hykmete Bajrami që do të udhëheqë Ministrinë e Arsimit, Shkencës dhe Teknologjisë” shkruan RTK.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.