Ende pa u bërë kryeministër i Italisë, Contes i hapen “letrat” e shkollës! NYT: Profesori nuk figuron në regjistrat e universitetit amerikan
Akoma nuk është emëruar kryeministër dhe menjëherë kanë nisur polemikat. Për Giuseppe Conte, docent universitar që përflitet si kandidat për kryeministër i qeverisë së re mes Lëvizjet 5 Yjet dhe Lega Nord në Itali, janë “hapur letrat”. Në jetëshkrimin e tij ka shkruar se ka kryer studime në “New York University” por që nuk figurojnë në regjistrat e universitetit amerikan.
Media si La Stampa apo Ilsole24ore risjellin artikullin e “New York Times” që i është drejtuar me një kërkesë zyrtare universitetit amerikan duke marrë si përgjigje se emri i tij nuk figuron në regjistrat e universitetit.
Gjithsesi, korrespondenti i Italisë i NYT në artikull evidenton faktin se ekziston mundësia që profesori italian i përfolur si kryeministri i ardhshëm, mund të ketë ndjekur ndonjë program dyditor në këtë universitet dhe për këto programe, universiteti nuk mban regjistër.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.