‘Energjia e rinovueshme’ – Britania jep $126 milionë fonde në Afrikë

Paratë do të përdoren për të mbështetur Platformën e Performancës së Energjisë së Rinovueshme (REPP), e cila u krijua në 2015 dhe u mbështet nga 48 milionë paund në financimin fillestar nga Britania.

Qëllimi i gjerë i REEP është të “katalizojë rritjen” e sektorit të energjisë së rinovueshme në Afrikën sub – Sahariane duke ndihmuar zhvilluesit të “kapërcejnë pengesat për financim”. Programi aktualisht mbështet 18 projekte të energjisë së rinovueshme në vende të tilla si Tanzania, Burundi, Nigeria dhe Kenia. Këto skema mbështesin gjithçka nga panelet diellore, era dhe biomasa në hidro dhe gjeotermale.

Britania e Madhe ka bërë një marrëveshje për të investuar 5.8 miliardë dollarë në financimin e klimës ndërkombëtare deri në vitin 2020. Kësti i ri i financimit, do të ndihmojë deri në 40 skema të reja të energjisë së ripërtëritshme në Afrikën Sub-Sahariane gjatë pesë viteve të ardhshme ka lajmëruar qeveria sipas CNBC.

“Këto 100 milionë paund do t’u vijnë në ndihmë komuniteteve të shfrytëzojnë fuqinë e burimeve të tyre natyrore për të siguruar qindra mijëra njerëz me energji elektrike për herë të parë” – tha në një deklaratë, ministri i Energjisë dhe Pastrimit të Pastër Claire Perry.

“Ndërtimi i këtyre burimeve të pastra dhe të besueshme të energjisë do të krijojë mijëra vende pune cilësore në këto ekonomi në rritje”- shtoi Perry.

E.T/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.