Energjia nga dielli dhe era, Çipa: Rritje e kuotave me 110 MW, në qershor ankandet për impiantet e mëdhenj
Ministria e Infrastrukturës dhe Energjisë ka rishikuar kapacitet gjeneruese për impiantet fotovoltaike dhe eolike, duke shtuar kuotat me 110 mw.
E ftuar në studion e TV SCAN, këshilltarja e ministrit, Entela Çipa foli për skemën e re të mbështetjes për investitorët, e cila vjen pas një interesi të lartë prej tyre në këtë drejtim.
Çipa foli edhe për rezervimin e një pjese të kapaciteteve përmes ankandeve, që do të realizohen për impiantet e mëdha, duke shtuar se ato pritet të lancohen në qershor të këtij viti.
Plani Kombëtar i Veprimit 2018-2020 synon që deri në vitin 2020, 38% e energjisë të prodhohet nga burime të rinovueshme.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.