Epidemia misterioze e të qeshurës që pushtoi në 1962 Tanzaninë! 1 mijë persona u prekën, por ende sot s’ka diagnozë përfundimtare
Epidemia e të qeshurës në Tanzani në 1962 ishte një shpërthim masiv histerie ose një sëmundje psikogjenike masive që flitej se shpërtheu pranë fshatit Kashasha në Tanzani, pranë kufirit me Ugandën.
Epidemia e të qeshurës nisi me 30 janar 1962 në një shkollë vajzash që drejtohej nga një mision humanitar britanik në Kashasha. Nisi me tre vajza dhe u shpërnda në të gjithë shkollën, duke prekur 95 nga 159 nxënësit e moshës 12-18. Simptomat zgjasnin nga disa orë deri në 16 ditë dhe pavarësisht se fëmijët qeshnin, në sytë e tyre nuk dallohej humor. Stafi mësimor nuk u prek dhe raportoi se studentët e kishin të pamundur që të përqendroheshin në mësim. Shkolla u mbyll me 18 mars.
Epidemia u përhap në Nshamba, një fshat kur jetonin disa prej vajzave që ishin në atë shkollë. Në prill dhe maj, 217 të rinj kishin sulme të qeshurash që pasoheshin nga të qara. Epidemia u përhap edhe më tej duke prekur 14 shkolla që më pas u mbyllën pasi numri i të prekurve arriti në mbi 1 mijë.
Kjo epidemi shkaktoi shumë diskutime dhe nuk munguan as diagnozat e ndryshme, që nga ato shkencore e deri edhe te ato konspirative apo paranormale.
Vendasit e emërtuan “sëmundjen” Endwara Yokusheka, që do të të thotë sëmundja e të qeshurës.
Studimet shkencore që janë kryer nuk kanë dalë në një konkluzion se çfarë ka ndodhur realisht por pjesa më e madhe e tyre bien dakort se ajo që ndodhi ishte një histeri kolektive.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.