Erdogan flet për Khashoggi: “Vrasja ishte rezultat i një komploti të planifikuar”
Presidenti turk, Recep Tayyip Erdogan, tha se vrasja e gazetarit Jamal Khashoggi në konsullatën e Arabisë Saudite në Stamboll, ishte rezultat i një komploti të planifikuar, duke hedhur poshtë shpjegimet e Mbretërisë për vrasjen dhe duke i bërë thirrje mbretit që sjellë fajtorët përballë drejtësisë.
“Kemi prova të bindshme që tregojnë se vrasja nuk ishte aksidentale por ishte rezultat i një operacioni të planifikuar. Ndërkohë që kjo përbën një vrasje politike, nëse ka bashkëpunime të tjera në krim, ata duhet të jenë gjithashtu pjesë e hetimit”, tha Erdogan në parlament.
Presidenti turk tha se të gjithë personat e përgjegjshëm për krimin, përfshirë ata që ndodhen në “majë”, duhet të përballen me drejtësinë.
Ai tha se gjithashtu se 18 persona që janë identifikuar deri më tani do të gjykohen në Stamboll. Komentet e Erdogan përfundojnë periudhën 2-ditore të pasigurive, ndërkohë që kishte thënë më parë se do të shfaqte të gjitha detajet e vdekjes së Khashogit.
Presdienti nuk e përmendi mbretin Salman, duke thënë se nuk ka dyshime për sinqeritetin e tij dhe duke e quajtur atë si mbrojtësin e Islamit. Ai nuk përmendi gjithashtu as princin trashëgimtar, Mohammed bin Salman.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.