Erdogan: Uber nuk ekziston më në Turqi, ne kemi sistemin tonë taksi
Presidenti i Turqisë, Tayyio Erdogan, tha se shërbimi përmes aplikacionit Uber ka përfunduar në Turqi, pas presionit nga shoferët e taksive të Stambollit.
Deklarata e Erdoganit erdhi pas njoftimit për rregullat e reja të vendosura gjatë javëve të fundit, të cilat e bënin më të vështirë regjistrimin e shoferëve me Uber. Po ashtu, masat parashikonin edhe ndalim të shoferëve deri në 2 vjet në rast shkeljesh.
“Uber nuk ekziston më. Ne kemi sistemin tonë taksi. Nga vjen Uber? Përdoret në Europë, por nuk më intereson. Ne do të vendosim vetë”, u shpreh Erdogan në një fjalim të mbajtur të premten në Stamboll.
Ndërkohë, pas njoftimit për ndryshimet e licencimit të transportit, Uber u shpreh se dëshironte të punonte me të gjitha pakët për të përmirësuar transportin si dhe të ishte një partner i vërtetë në Turqi për një kohë të gjatë.
Pak kohë më parë, shoferët e taksive të Stambollit dërguan kompaninë Uber në gjykatë duke e akuzuar për pengimin e biznesit të tyre dhe ushtrim aktiviteti në mënyrë të paligjshme.
Rreth 17 400 taksi veprojnë në Stamboll dhe që me hyrjen e Uber në vend në vitin 2014, tensionet janë rritur ndjeshëm.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.