ERE, 208 mln lekë nga pagesat rregullatore / Miratohen tarifat për tregun e energjisë, kush s’paguan në kohë ka penalitete
Enti Rregulltor i Energjisë synon të mbedhë rreth 208 mln lekë nga pagesat rregullatore për vitin 2021 nga subjektet e licencuar në sektorin e energjisë elektrike dhe gazit natyror. Përmes një vendimi të javëve të fundit ky dikaster ka përcaktuar tarifat për secilin subjekt, ndërkohë që në rast vonesash parashikohen penalitete.
Enti Rregulltor i Energjisë synon të mbedhë rreth 208 mln lekë nga pagesat rregullatore për vitin 2021 nga subjektet e licencuar në sektorin e energjisë elektrike dhe gazit natyror. Përmes një vendimi të javëve të fundit ky dikaster ka përcaktuar tarifat për secilin subjekt, teksa në total numërohen 304 të licencuar, të cilët janë të detyruar të bëjnë pagesat rregullatore. Përllogaritja e këtyre pagesave është bërë mbi të ardhurat e realizuara nga aktiviteti i licencuar, ndërkohë që në rast të mungesës së pasqyrave financiare janë përdorur nivelet e pagesave rregulaltore të vitit 2020. Këto subjekte duhet të kryejnë pagesat ndaj ERE, jo më vonë se 30 ditë nga botimi në Fletoren Zyrtare i vendimit, pasi në të kundërt do të aplikohen penalitete. Më konkretisht, legjilascioni në fuqi përcakton ndëshkimin me gjobë deri në 3 për qind të të ardhurave të vitit paraardhës të të licencuarit,si dhe ka të drejtë të aplikojë një kamatëvonesë mbi vlerën e pagesës rregullatore, në masën e 0.2 % të xhiros ditore për çdo ditë vonesë në pagesën e saj. Ky është vitit i dytë, ku aplikohen pagesa rregulaltore fikse prej 100 mijë lekësh për shoqëritë e licencuara në aktivitetin e prodhimit të energjisë elektrike, furnizimit dhe tregtimit të energjisë elektrike dhe gazit natyror që në vitin parardhës nuk kanë pasur aktivitet. Deri në vitin 2019 kjo shumë ishte 40 mijë lekë.
Ola Mitre – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.