Erion Veliaj rikandidon për Tiranën – Rama sfidon opozitën për të hyrë bashkë në garën e qershorit
Kryetari i Bashkisë së Tiranës, Erion Veliaj, shpalli rikandidimin e tij për një mandat të dytë në krye të drejtimit të kryeqytetit.
Gjatë fjalës së tij në kongresin e PS, Veliaj premtoi se Tirana do pësojë akoma më shumë ndryshime. Ai foli edhe për raportin me kryeministrin, Edi Rama, duke thënë se bashkë do bëjnë akoma më shumë për vendin.
Pas shpalljes së kandidaturës së dytë për Veliajn, kryeministri Edi Rama mbajti një fjalë përshëndetëse në kongres, ku foli për transformimin e vendit në vitet e fundit, teksa nuk kurseu mesazhet për opozitën por edhe për presidentin Meta.
Rama ftoi opozitën të futet në garë në zgjedhjet lokale duke e sfiduar atë me zgjedhje të përgjithshme të parakohshme.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.