Euro bie ndjeshëm, ndërkohë që Draghi hap rrugën për më shumë stimuj ekonomikë
Presidenti i Bankës Qendrore Europiane, Mario Draghi mbrojti mjetet që organizata ka në dispozicion të martën, duke thënë se ajo mund të ulë përsëri normat e interesit ose të sigurojë blerje të mëtejshme të aseteve nëse inflacioni nuk arrin objektivin e tij. Duke folur në Forumin e BQE-së në Sintra të Portugalisë, Draghi dha një ton të padurueshëm, duke thënë se nëse situata ekonomike përkeqësohet në muajt e ardhshëm, banka do të shpallë stimuj të mëtejshëm. Euro ra 0.2% kundrejt dollarit në momentin kur Draghi shprehu vërejtjet e tija.
“Në mungesë të përmirësimit, dhe me kërcënimin e kthimit të qëndrueshëm të inflacionit sikundër qëllimit tonë, do të kërkohen stimuj shtesë”, deklaroi Draghi. BQE parashikon një “dobësi të vazhdueshme” në një periudhë afatshkurtër, veçanërisht për shkak të faktorëve gjeopolitikë dhe konflikteve tregtare, të cilat kanë peshuar në eksportet dhe sektorin e prodhimit, dy drejtues të rëndësishëm të rritjes ekonomike në eurozonë.
Gjatë fjalimit të tij në Sintra, Draghi gjithashtu u përpoq të sigurojë ‘lojtarët’ e tregut rreth aftësisë së bankës për të vepruar mes dyshimeve në rritje mbi efektin e vërtetë të politikës monetare nëse një material i ri recesioni do të materializohej. Ai shpjegoi se çështja nuk është aq shumë mungesa e mjeteve në dispozicion, por më shumë ndikimi i tyre aktual në ekonomi.
Burimi: CNBC
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.