Europa është gati të zbulojë se sa e keqe është gjendja e saj ekonomike

Mario Draghi nuk hezitoi të afirmonte se perspektiva ekonomike po bëhet “keq e më keq”. Këtë javë, ai do të marrë më shumë informacion se sa e keqe është gjendja në realitet. Rritja ndoshta u ngadalësua në 0.2% në tremujorin e dytë, një ritëm poshtë tendencës që do të bëjë pak për të ndihmuar përpjekjet e presidentit të Bankës Qendrore Europiane për të nxitur inflacionin më lartë. Sondazhet e bizneseve në të gjithë rajonin do të japin një vështrim të hollësishëm në mënyrën se si kompanitë po përballen me tensionet tregtare dhe me kërkesa më të dobëta, dhe mund të zhdukin çdo shpresë për një performancë më të mirë këtë tremujor.

Sfondi i dobët ekonomik është gjithashtu duke goditur Europën e korporatave, veçanërisht prodhuesit e makinave, me deklarata fatkeqe kohët e fundit nga kompanitë, duke përfshirë Daimler të Gjermanisë dhe Renault të Francës. Rritja e shërbimeve ende po ndihmon për ta luftuar këtë, por mund të jetë në gjendje të përkrah situatën jo për shumë gjatë.

Mund të ketë edhe lajme zhgënjyese për inflacionin këtë javë, me normat e titullit dhe ato bazë rreth 1%. Një studim i së premtes së kaluar tregoi se pritjet afatgjata të inflacionit po bien, dhe është shumë e qartë se çfarë mendon Dragi për këtë. “Ne nuk na pëlqen ajo që shohim në frontin e inflacionit,” tha ai javën e kaluar. Draghi i ka dhënë stafit në BQE dhe bankave qendrore kombëtare një mision përpara takimit të ardhshëm për të shqyrtuar atë që politikëbërësit mund të bëjnë për të ndihmuar ekonominë. Më shumë ulje të normës së interesit dhe një raund i ri i blerjeve të bonove janë në listë, pavarësisht disa dyshimeve se sa hapësirë ​​ka mbetur për të dy mjetet.

Në frontin e rritjes, shifrat e tremujorit të dytë parashikohet të tregojnë një tkurrje në Itali dhe ndoshta në Gjermani. Spanja dhe Franca duken më solide, ndonëse rritja e rreziqeve të jashtme nënkupton që trendi më i gjerë është ende për momentin në rënie. (Bloomberg)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.