Europa lë “ABLV” të dështojë – BQE: Shpëtimi nuk është në interes të publikut
Huadhënësi në Letoni, ABLV, po dështon dhe shpëtimi nuk është në interes të publikut, deklaron Bordi i Rezolutës së Përbashkët dhe Banka Qendrore Europiane.
Huadhënësi, i akuzuar nga autoritetet në SHBA për pastrim parash, u përpoq këtë javë që të paraqesë një plan të mbijetesës, por dështoi ndërkohë që klientët u arratisën dhe manaxhimi nuk përballoi dot gjendjen e likuiditetit, pavarësisht ofrimit të likuiditetit emergjent nga Banka Qendrore.
Letonia, vend i Eurozonës në kufi me Rusinë, ka qenë në mbikëqyrje mbi dyshimet se ka ndërmarrë aktivitete të jashtëligjshme financiare që përfshijnë Rusinë, Ukrainën dhe Korenë e Veriut.
Banka, që është e treta më e madhe e Letonisë, ka qenë në fokus të veçantë nga autoritetet e SHBA, prej akuzave për mbulimin e pastrimit të parasë, dhënies së ryshfeteve dhe lehtësuar thyerjen e sanksioneve kundër Koresë së Veriut.
“Për shkak të përkeqësimit të likuiditetit, banka nuk ka gjasa të paguajë borxhet apo detyrime të tjera.
Banka nuk kishte mjaftueshëm fonde të disponueshme për të përballuar daljen e depozitave përpara se të niste procedura e pagesave nga Fondi i Garancisë së Depozitave të Letonisë”, deklaroi BQE.
Akuzat ndaj bankës bënë që të tërhiqen thuajse 600 milionë euro në depozita brenda disa ditësh, gjë që detyrojë BQE të pezullojë të gjithë pagesat këtë javë për të parandaluar një kolaps.
Bordi i Rezolutës theksoi se huadhënësi nuk ofron funksione kritike dhe dështimi nuk pritet të ketë ndikim të rëndësishëm ndaj stabilitetit financiar.
Banka ka sasi të mëdha të depozitave nga klientë të huaj, kryesisht nga Rusia dhe Ukraina.
Për të luftuar pastrimin e parasë, Letonia lajmëroi plane këtë javë që të reduktojë gradualisht përqindjen e depozitave në banka të mbajtura nga banorët e huaj.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.