Europa Lindore, me rekord të zymtë – Vdekjet totale nga Covid në rajon kalojnë 1 milion
Vdekjet nga Covid-19 në Europën Lindore kanë kaluar 1 milionë në 24 orët e fundit, ndërkohë që varianti Omicron po bën kërrdinë në rajon. Tre nga pesë vende që kanë raportuar numrin më të lartë ditor të vdekjeve në Europë janë në Lindje, përfshirë Rusinë, Poloninë dhe Ukrainën, sipas të dhënave të Reuters. Europa Lindore zë 39% të popullsisë dhe ka raportuar më shumë se gjysmën e totalit të vdekjeve të lidhura me Covid në Europë.
Totali i vdekjeve në rajon arriti 1,045,454, krahasuar me 1,873,250 për të gjithë Europën. Rajoni përfshin Bjellorusinë, Bullgarinë, Çekinë, Hungarinë, Moldavinë, Poloninë, Rumaninë, Rusinë, Sllovakinë dhe Ukrainën. Në Europën Lindore janë raportuar relativisht pak raste me variantin Omicron, duke bërë kontrast me Europën Perëndimore, ku rastet ditore kanë thyer rekord.
Polonia raportoi 794 vdekje të lidhura me Covid ditën e Mërkurë, që ishte nivel rekord për valën e katërt të pandemisë, pavarësisht se shifra mund të jetë fyryë nga raportimet e vona për shkak të Krishtlindjeve. Zëdhënësi i Kolegjit të Mjekësve të Familjeve në Poloni, Michal Sutkowski, fajësoi mbikapacitetin e sistemit shëndetësor, mungesën e njohurisë dhe ngurrimit për t’u vaksinuar, përfshirë tek grupet e cënuara, për numrin e lartë të vdekjeve.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.