Europa në prag marrëveshjeje me Donald Trump!
Komisionerja e Tregtisë së Bashkimit Evropian Cecilia Malmstrom tha se një marrëveshje transatlantike tregtare mund të arrihej përpara fundit të vitit me SHBA-në. Malmstrom tha se pret që qeveritë e BE t’i japin asaj konfirmimin në mars për të nisur negociatat me SHBA për të ulur tarifat për mallrat industriale. Një marrëveshje përfundimtare me administratën e presidentit Donald Trump mund të arrihet përpara se pakti me Komisionin Evropian të përfundojë më 31 tetor, tha ajo.
“Mendoj se kjo mund të bëhet gjatë këtij mandati. Ne nuk vonojmë asgjë.” u tha Malmstrom gazetarëve në Bukuresht gjatë një takimi me ministra të tregtisë nga 28 vendet e BE.
Europa po nxiton që të sigurojë miratimin e një marrëveshjeje politike të arritur në Shtëpinë e Bardhë shtatë muaj më parë për të punuar drejt reduktimit të pengesave të tregut transatlantik duke përfshirë tarifat industriale.Një taksë amerikane prej 25 përqind mbi makinat e huaja do të shtonte 10,000 euro ($ 11,346) për çmimin e afisheve të automjeteve evropiane të importuara në vend, sipas komisionit të BE.
Malmstrom përsëriti qëndrimin e BE-së se çdo vendim i Trump-it për të aplikuar detyrimet kundër Evropës do të shkatërronte armëpushimin tregtar transatlantik.
“Ndërsa ne po flasim, nuk duhet të imponojmë asnjë tarifë ndaj njëri-tjetrit,” tha ajo. Muajin e kaluar, Malmstrom zbuloi një plan për një marrëveshje të tregtisë së lirë me SHBA që do të ulte tarifat në një gamë të gjerë të mallrave industrialë duke përfshirë edhe makinat. Është ai propozim që ministrat e tregtisë së BE diskutojnë në kryeqytetin rumun përpara se të merret një vendim formal në javët e ardhshme.
Heqja e tarifave transatlantike mbi mallrat industriale do të zgjeronte eksportet e SHBA në BE me 13 përqind dhe importet me 10 përqind, sipas komisionit. Tarifa mesatare e produkteve jo bujqësore është 4.2 përqind në BE dhe 3.1 përqind në SHBA.
E.Z/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.