Europa nis të vaksinojë fëmijët – Shumë vende kanë administruar këtë javë dozat për 5-11 vjeçarët!
Programet e vaksinimit për fëmijët në moshë 5-11 vjeç kanë nisur në disa vende Europiane, në përpjekje për të ndaluar përhapjen e koronavirusit. Hungaria, Spanja, Lituania, Greqia, Sllovernia dhe Gjermania, janë ndër vendet që kanë nisur fushatat e vaksinimit për fëmijët. Në Hungari, dërgesa e parë prej 138,000 doza të vaksinave për fëmijët mbërriti ditën e Martë dhe do të administrohen në një total prej 77 spitalesh në vend. Deri më tani, 35,000 njerëz në Hungari janë regjistruar që fëmijët e tyre të imunizohen, sipas qeverisë. Fëmijëve po i jepet vetëm vaksina e Pfizer.\
Spanja ka nisur gjithashtu fushatën për të vaksinuar rreth 3.3 milionë fëmijë në mosh 5-11 vjeç. Grupmosha ka aktualisht normën më të lartë 14-ditore të infeksioneve në Spanjë, me 646.6 raste për çdo 100,000. Dërgesa e parë e 1.3 milionë dozave të Pfzier me BioNtech, e përshtatur veçanërisht për fëmijë, mbërriti në Spanjë ditën e Hënë. Çdo rajon në vend ka lirinë për të vendosur mbi programin e vetë të vaksinimit, por shumica kanë synuar ta nisin me fëmijët në moshë 10 dhe 11, përpara se të zbresin tek më të rinjtë. Ashtu si në Hungari, fëmijët do të marrin 2 doza të vaksinës, me të dytën që administrohet 8 javë nga e para.
Në Lituani, vaksinimi i fëmijëve në moshë 5-11 vjeç nisi ditën e Mërkurë. Rreth 2,000 fëmijë janë regjistruar për vaksinim dhe do të marrin 2 doza, 3 javë nga njëra-tjetra, sipas rekomandimeve nga Agjencia Europiane e Barnave. Vaksinimi i fëmijëve në 5-11 vjeç me vaksinën e Pfizer ka nisur edhe në Greqi. Qe prej 10 Tetorit, prindërit në Greqi kanë patur mundësinë të regjistrohen për vaksinimin e fëmijëve dhe deri më tani, 29,000 janë regjistruar. Gjermania e nisi fushatën ditën e Hënë për grupmoshën. Megjithatë, vaksina do t’i ofrohet vetëm fëmijëve me sëmundje të mëparshme, bazuar në rekomandimet e Komisionit të Vaksinës në vend.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.