Europianët thonë se emigrantët kontribuojnë më shumë në kulturën e rajonit sesa në ekonominë e saj

Debati global për emigracionin shpesh përqendrohet në dy pyetje: A e pasurojnë emigrantët kulturën e vendit? Dhe a e përmirësojnë ekonominë e vendit? Të dhënat tregojnë se europianët ka më shumë të ngjarë të thonë po në pyetjen e parë se sa të fundit.

Një studim ndërkombëtar i qëndrimit shoqëror, i cili bëhet çdo dy vjet në shumë vende të Europës që nga viti 2002, ka bërë gjithmonë të njëjtën pyetje në lidhje me qëndrimet ndaj emigrantëve. Një pyetje u kërkon të anketuarve të vlerësojnë nga 0-10 nëse emigracioni është i mirë apo i keq për ekonominë. Në anën tjetër, të anketuarit vlerësojnë nga 1-10 nëse emigrantët pasurojnë apo jo jetën kulturore të vendit.

Rezultatet nga raundi i fundit i sondazhit, i cili u zhvillua nga fundi i vitit 2018 deri në fillim të vitit 2019, zbuloi se shumica e vendeve në Europë i shikojnë kontributet kulturore të emigrantëve më pozitivisht sesa kontributet e tyre ekonomike.

Në të gjithë 19 vendet e përfshira në paraqitjen fillestare të të dhënave, të anketuarit dhanë një rezultat mesatar prej 5.1 kur u përgjigjën nëse emigrantët janë të mirë për ekonominë, dhe 5.3 nëse emigrantët pasurojnë jetën kulturore të vendit. Organizatorët e Sondazhit Europian Social planifikojnë të shtojnë të dhëna për 11 vende të tjera në mesin e vitit 2020.

Rezultatet tregojnë se njerëzit nga vendet që shënuan rezultate të larta në të dyja pyetjet kishin më shumë të ngjarë të shoqëronin përkrahjen e tyre për emigracionin me faktorët kulturorë. Dhe ata që shënuan nivele të ulëta në të dyja pyetjet kishin më shumë të ngjarë të kundërshtonin imigracionin pasi ata perceptojnë se emigrantët kanë një efekt negativ në ekonomi.

Shqetësimet e vetë-raportuara për efektet që imigrimi mund të ketë në ekonomi, ndërsa zbulohen, nuk janë të sakta. Besimi se emigrantët krijojnë një peshë shtesë fiskale ose marrin punë nga tregu i punës, rrallë mbështetet nga provat e botës reale. Emigracioni, në të vërtetë, ka dëshmuar se sjell përfitime ekonomike për vendet pritëse duke paguar taksat, duke sjellë risi dhe duke përmirësuar produktivitetin.

Pavarësisht nga ato që besojnë ose thonë njerëzit, hulumtimet paraprake kanë treguar vazhdimisht se kundërshtimi ndaj imigracionit është rrënjosur kryesisht në faktorë kulturorë. Thënë thjesht: Emigrantët perceptohen si kërcënime për grupet ekzistuese shoqërore. (Quartz)

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.