Eurovizioni në kohë pandemie – Holanda do të lejojë 3500 njerëz të marrin pjesë në konkursin muzikor
Deri në 3,500 njerëz do të jenë në gjendje të marrin pjesë në Konkursin e Këngës Eurovizion të këtij viti si pjesë e një prove për të parë se si të rihapin vendet gjatë pandemisë, ka njoftuar qeveria holandeze.
Edicioni i vitit të kaluar u anulua pasi Europa ishte në vrullin e valës së parë të pandemisë. Konkursi i këtij viti do të mbahet në Roterdam nga 18 deri më 22 maj pas fitores së këngëtarit holandez Duncan Laurence në konkursin 2019.
Madhësia e audiencës do të varet nga situata epidemiologjike në atë kohë, ka thënë qeveria. Spektatorët gjithashtu do të duhet të ndjekin kushtet, duke përfshirë paraqitjen e një testi negativ COVID-19. Organizatori i Eurovision EBU e ka mirëpritur njoftimin.
“Ne do të shqyrtojmë opsionet tani të disponueshme dhe do të shpallim më shumë detaje në javët e ardhshme se si mund të pranojmë me siguri audiencat në vendin Ahoy në Roterdam nëse situata e lejon. Shëndeti dhe siguria e të gjithë atyre që marrin pjesë në këtë ngjarje mbetet përparësia jonë kryesore.”
“Siç është njoftuar më parë, të gjitha delegacionet, artistët dhe ekuipazhi i produksionit do të ndjekin një protokoll të rreptë dhe nuk do të vijnë në kontakt me anëtarët e mundshëm të audiencës në asnjë rrethanë,” shtoi ajo në një deklaratë.
Dy prova “FieldLab” janë mbajtur tashmë në Holandë. Muajin e kaluar, më shumë se 1,300 veta ishin në gjendje të merrnin pjesë në një koncert dhe 5,000 të tjerë u lejuan të shikojnë një ndeshje ndërkombëtare futbolli. (EN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.