‘EXO-CD24’/ Izraeli zhvillon një ilaç që është 96% i efektshëm kundër Covid-19
Prova është e vogël dhe shumë fillestare: vetëm 30 pacientë, por 29 prej tyre shfaqën një përmirësim të dukshëm brenda dy ditësh. Një spital izraelit mund të ketë gjetur shërimin për COVID-19 dhe do të ishte në një pikë kthese në luftën kundër pandemisë globale. Nga 30 pacientë që morën ilaçin, 29 treguan përmirësim të dukshëm gjatë dy ditëve. Kjo u deklarua nga Qendra Mjekësore e Tel Aviv Sourasky, e njohur gjithashtu si Spitali Ichilov.
Krijuesi i ilaçit, Prof Nadir Arber i Qendrës së Parandalimit të Kancerit të Integruar të spitalit, administroi produktin te pacientët në kushte të moderuara ose të rënda, duke raportuar një shkallë mbresëlënëse 96% të suksesit. Profesori Arbër e quajti ilaçin, i quajtur aktualisht EXO-CD24, si “efektiv dhe i lirë”.
“Ilaçi administrohet me inhalim, një herë në ditë, në një procedurë që zgjat vetëm disa minuta. Pastaj duhet të vazhdohet për pesë ditë”, tha prof. Arber. Produkti “bazohet në ekzozomet që trupi çliron nga membrana qelizore dhe përdor për komunikim ndërqelizor. Ajo që bëjmë ne është të pasurojmë ekzozomet me proteinën 24CD, e cila dihet se luan një rol të rëndësishëm në rregullimin e sistemit imunitar”.
Nga 30 pacientë që morën ilaçin, 29 treguan përmirësim të dukshëm brenda 48 orësh dhe madje u lëshuan nga spitali disa ditë më vonë. Pacienti i fundit gjithashtu u shërua, por shërimi i tij zgjati më shumë. Ish koordinatori i koronavirusit të Izraelit, Prof Ronni Gamzu, e përshëndeti përparimin si “të shkëlqyeshëm”, duke thënë se ai personalisht do të ndihmonte Prof Arberin për të marrë dritën jeshile nga Ministria e Shëndetësisë për të testuar ilaçin në një grup më të madh pacientësh.
“Në Ichilov ne jemi ndër udhëheqësit botërorë në kërkimin e shërimit për epidemitë e tmerrshme,” tha Prof Gamzu. E vetmja pasiguri, është ende e paqartë nëse ilaçi ka të njëjtin efektshmëri ndaj llojeve të fundit dhe më virulente të virusit, përfshirë ato nga Britania e Madhe, Afrika e Jugut dhe Brazili. Pavarësisht fushatës së tij vaksinuese udhëheqëse në botë, Izraeli vazhdoi të regjistronte infektime ditore prej me mbi 5,000, pavarësisht nga një bllokadë në mbarë vendin që nga 27 Dhjetori. (Repubblica)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.