Fabrika e re e Tesla në Gjermani- Do të ndiqet nga kompani të tjera të mëdha drejt vendit
Lajmërimi i Tesla më herët gjatë muajit se do të ndërtojë fabrikën e parë europiane pranë Berlinit, do të tërheqë më shumë kompani të transportit elektrik dhe sektorit të ruajtjes së energjisë në Gjermani, sipas liderit të shtetit lindor, Brandenburg.
“Këto kompani janë rrugës për këtu. Kam dëgjuar se ka bisedime me komunitetet dhe programin rajonal të zhvillimit të biznesit”, tha Dietmar Woidke, duke shtuar se Tesla do të shkaktojë ardhjen e kompanive të tjera drejt vendit.
Ai tha se Brandenburg ndodhet aktualisht në bisedime me kompani të tjera, duke mos i identifikuar ato për shkak të marrëveshjeve të konfidencialitetit.
“Pres që lajmërimet të bëhen përpara Krishtlindjeve”, tha ai. Vendimi i Tesla përbën një lajm pozitiv për Gjermaninë, duke e fuqizuar pozitën si qendër e manifakturës, ndërkohë BMW dhe Daimler kanë ndërtuar fabrika të rena në Hungari gjatë viteve të fundit.
Industria e makinave në Gjermani është goditur gjithashtu nga skandali i Volkswagen në vitin 2015, ku mashtroi për testet e emetimit të gazrave ndotës në SHBA, si dhe nga sfida e konvertimit të makinave në elektrike.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.