Facebook dhe Google ‘po luftojnë’ kundër legjislacionit të ri që do të ndihmojë industrinë e informacionit në SHBA

Lobistët për Facebook dhe Google hodhën peshën e tyre kundër legjislacionit të ri të SHBA që kërkon të ndihmojë botuesit e lajmeve në vështirësi duke i lejuar ata të negociojnë kolektivisht kundër kompanive të teknologjisë mbi ndarjen e të ardhurave dhe marrëveshje të tjera.

Ligjvënësit amerikanë prezantuan planin në Kongres të Mërkurën për të adresuar një çekuilibër të perceptuar të pushtetit midis mediave dhe gjigantëve të teknologjisë. Kritikët akuzojnë kompanitë për përdorimin e përmbajtjes për të nxitur trafik dhe të ardhura nga reklamat në platformat e tyre pa dëmshpërblyer në mënyrë të drejtë botuesit.

Masa shton presionin mbi firmat e teknologjisë, të cilat po përballen me procese gjyqësore antitrust dhe kërcënimin e më shumë rregullatorëve.

Google, i cili nuk pranoi të komentojë mbi propozimin, nisi një faqe në internet https://blog.google/supportingneës#overvieë të enjten duke pohuar se është “një nga mbështetësit më të mëdhenj financiarë të gazetarisë në botë” për shkak të të ardhurave nga reklamat dhe tarifave të licencimit të përmbajtjes që siguron për media. Google tha se motori i saj i kërkimit dërgon lexuesit në faqet e internetit të botuesve 24 miliardë herë në muaj. (Reuters)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.