Facebook di se çfarë jeni duke bërë në faqet e tjera online dhe në jetën reale – Ja si të shihni atë që di për ju
Facebook sapo lëshoi një mjet të ri që lejon njerëzit të shohin se si gjurmon “aktivitetin e tyre jashtë Facebook”.
Rrjeti social gjurmon në uebfaqet, aplikacionet dhe madje edhe dyqanet në jetën reale që përdoruesit vizitojnë në mënyrë që të synojnë reklama me më shumë përshtatje për ta.
Mark Zuckerberg fillimisht premtoi që Facebook do të lëshonte një gjurmues të aktiviteteve jashtë Facebook, në vazhdën e skandalit të Cambridge Analytica për vitin 2018.
‘Facebook po ju vëzhgon’ por falë një veçorie të sapo zbuluar, tani është e mundur të shihni se si Facebook po ndjek aktivitetin tuaj. Ja se si të përdorim gjurmuesin e ri “Off-Facebook Activity” dhe si të mos lejosh Facebook t’ju përgjojë ju pjesërisht apo plotësisht.
Shkoni te cilësimet tuaja të Facebook, pastaj zgjidhni “Your Facebook Information.”
Poshtë “Your Facebook Information,” zgjidhni “Off-Facebook Activity.”
Do të shfaqen disa informacione që shpjegojnë metodat e Facebook të cilat tregojnë aktivitetin tuaj jashtë rrjetit.
Një banderolë do të tregojë disa nga faqet e internetit dhe aplikacionet që Facebook e di që keni përdorur. Klikoni në ikonat e aplikacionit për të parë një listë të plotë të këtyre burimeve.
Lista e plotë do të përfshijë palë të treta që ndajnë aktivitetin tuaj me Facebook në 180 ditët e kaluara. Duke klikuar “Clear History” do të fshish këtë informacion që ka ruajtur Facebook.
Për ta fikur këtë gjurmim, klikoni në “Manage Your Off-Facebook Activity” nga menuja në anën e djathtë të ekranit.
Ndryshimi i ndërprerjes pranë “Future Off-Facebook Activity” do të ndalojë Facebook të ruajë aktivitetin tuaj të ardhshëm në llogarinë tuaj. Sidoqoftë, kjo nuk ndalon që palët e treta të dërgojnë informacione në Facebook për ju. (Business Insider)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.