Facebook konkurron Youtube me shërbimin më të ri “Watch”
Në një postim blogu, ditën e mërkurë, rrjeti social Facebook bëri me dije se së shpejti do t’u ofrojë përdoruesve një mënyrë të re për të parë video në rrjetin e tij social të quajtur Watch.
Facebook ishte përfolur për të hyrë në shfaqje televizive për muaj me radhë, por Watch duket më shumë si Youtube.
Ky seksion do t’i lejojë përdoruesit të eksplorojnë video jashtë profilit të tyre dhe do të jetë i personalizuar në mënyrë që përdoruesit të shohin video sipas preferencave të tyre dhe të marrin rekomandime të shfaqjeve më të shikuara nga miqtë.
Videot janë të disponueshme në rrjetin social prej kohësh por kryesisht janë dominuar nga klipet amatore dhe segmente të shkurtra të organizatave mediatike.
Watch do të hapë rrugë të reja drejt më shumë të ardhurave për Facebook por edhe krijuesit e programeve ndërsa përdoruesit të përgatiten për të parë reklama gjatë shfaqjeve.
Gjithashtu, rrjeti social ka hyrë në bisedime me krijues të shquar si Major League Football, National Geographics, Vox Media, BuzzFeed e shumë të tjerë për të pasuruar programin video të Facebook.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.