Facebook krijon panelin e privatësisë – Paguan 5 miliardë dollarë SHBA-ve për akuzat e ngritura
Komisioni Federal i Tregtisë do të njoftojë të mërkurën se Facebook Inc ka rënë dakord për një zgjidhje gjithëpërfshirëse të akuzave të rëndësishme sipas të cilave kompania ka keqpërdorur privatësinë e përdoruesit dhe për këtë do të paguaj 5 miliardë dollarë, bën me dije Reuters.
Si pjesë e marrëveshjes, Facebook do të bjerë dakord të krijojë një komitet bordi për privatësinë si dhe të krijojë certifikata të reja ekzekutive mbi privatësinë e përdoruesve të saj. Shefi Ekzekutiv i Facebook, Mark Zuckerberg do të duhet të vërtetojë çdo tre muaj se kompania është duke ruajtur siç duhet privatësinë e përdoruesit, tha një person i informuar lidhur me këtë çështje.
Veçmas, Komisioni i Sigurimit dhe i Shkëmbimeve i SHBA pritet të njoftojë një zgjidhje me Facebook për rreth 100 milionë dollarë lidhur me akuzat sipas të cilave kompania dështoi të zbulojë rreziqet për investitorët rreth praktikave të tij të privatësisë.
Washington Post gjithashtu njoftoi se KFT ka në plan të ngre akuza mbi Facebook për faktin se nuk arriti të ofrojë informacion të mjaftueshëm për rreth 30 milion përdorues në lidhje me një mjet për njohjen e fytyrës, një çështje e identifikuar më herët nga Raportet e Konsumatorëve.
Zgjidhja e kësaj çështjeje vjen në mes të shqetësimit në rritje midis politik-bërësve të SHBA rreth privatësisë së përdoruesve në internet dhe ka nxitur thirrje për mbrojtje të reja ligjore në Kongres. Më vete, Departamenti i Drejtësisë i SHBA tha të martën vonë se po nis një hetim të gjerë ‘antitrust’ mbi praktikat konkurruese të kompanive të teknologjisë së madhe si Facebook. Gjoba do të shënojë dënimin më të madh civil të paguar ndonjëherë në KFT. (Reuters)
Edel Starzimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.