Facebook shkëput lidhjet me Huawei / Bllokohet instalimi i aplikacionit

Facebook nuk do të lejojë më telefonat Huawei të instalojnë paraprakisht aplikacionet e Facebook, të cilat përfshijnë Instagram, Messenger dhe WhatsApp.

Muajin e kaluar administrata Trump vendosi Huawei-n në një listë të zezë tregtare, që do të thotë që kompanitë amerikane duhet të kërkojnë leje përpara se të bëjnë biznes me firmën, ku qeveria pretendon se përbën një rrezik të sigurisë kombëtare.

Facebook tha për Reuters se ndalimi i saj nuk do të ndikojë në pronarët e telefonave të Huawei-t që tashmë kanë aplikacionet, ata do të jenë ende në gjendje t’i përdorin ato dhe të marrin përditësime.

Bllokimi mori efekt të menjëhershëm, duke përfshirë çdo telefon Huawei që ende nuk ka dalë nga fabrika.

Google gjithashtu po e ul Huawei-in nga sistemi operativ Android.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.