Facebook – Zuckerberg do të punësojë 3.000 persona për të parandaluar videot e postimet e dëmshme

Pas  ngjarjeve të shumta, ku persona të ndryshëm kanë kryer vetëvrasje në facebook live, kompania “Facebook” ka njoftuar një plan të ri për të shtuar 3.000 persona në ekipin e saj të operacioneve për të parandaluar video të dëmshme dhe postime të tjera.

Mark Zuckerberg, CEO i Facebook tha në konferencë për shtyp, se ky numër i punonjësve do të jetë, përveç 4.500 njerëzve që tashmë punojnë në këtë fushë në kompani. Zuckerberg nuk bëri të qartë nëse këta janë punonjës me orar të plotë ose kontraktorë, dhe se si do të shfaqen në mënyrë efektive ndërhyrjet e tyre.

“Nëse duam të ndërtojmë një komunitet të sigurt, duhet të reagojmë shpejt,” shkroi Zuckerberg në një postim.

Kohet e fundit kompania ka marr disa masa për të shtuar cilësinë e shërbimit.

Deri më sot, Facebook kishte vënë më shumë theksin në ndërtimin e algoritmeve dhe mekanizmave për njerëzit që të raportojnë për miqtë nëse janë të shqetësuar. Ndërsa në mars, nisi një seri të re të mjeteve për parandalimin e vetëvrasjeve. Një muaj më vonë, ishte risia e teknologjisë së re për të luftuar pornografinë e hakmarrjes.

“Ne do ta bëjmë më të lehtë për të raportuar problemet te ne, më shpejt për shqyrtuesit tanë për të përcaktuar se cilat shkelje shkelin standardet tona,”shkroi Zuckerberg.

Zuckeberg ka theksuar se Facebook po ashtu do të bashkëpunojë edhe me popullatën lokale dhe me zbatuesit e ligjit.

Rreth dy javë më parë, një person i quajtur Steven Stephens në qytetin Cleveland të SHBA-ve transmetoi drejtpërdrejt në Facebook teksa qëlloi me armë për vdekje 74 vjeçarin Robert Godwin.

Eralda Zito/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.