Fakulteti i Histori-Filologji – Aplikimet për master, deri në 20 tetor. Gjithsej 1030 kuota

Të gjithë studentët të cilët kërkojnë të vijojnë studimet për master profesional dhe shkencor në  fakultetin e Histori Filologji , do të kenë kohë për aplikime   deri në datë 20  tetor.

Shtyrja e datës së aplikimit me 10 ditë   u bë pas mbledhjes së dekanatit ,  sipas udhëzimit  numër  18  të datës 18 /8/2017.

Fakulteti i  Histori Filologji ofron  1030 kuota për programet e nivelit të dytë master profesional dhe shkencor .

Referuar kuotave të miratuara për vitin akademik 2017-2018 në këtë fakultet mund të fitojnë  të drejtën  e studimit në programin master profesional 640 kandidatë  si edhe 390 të tjerë në nivelin shkencor.

Të drejtën e aplikimit e kanë të gjithë ata studentë që  kanë një diplomë të ciklit të parë bachelor ose një program të integruar të ciklit të dytë nga një universitet i cili rezulton i akredituar.

Po ashtu edhe studentët që kanë mbaruar studimet dhe janë diplomuar jashtë  mund të bëhen pjesë e këtij fakulteti , më kushtin që te kenë përfunduar njësimin e diplomës.

Shpallja e fituesve  në programin master shkencor dhe profesional do të bëhet  më datë 24 tetor 2017 ndërsa  regjistrimi i fituesve do të zhvillohet  nga data 27  deri në 30 tetor.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.