Familjet në nevojë, LSI: Dy dollar në ditë për çdo anëtar, për të dal nga varfëria
Kryetarja e LSI, Monika Kryemadhi ka prezantuar skemën e forcës së saj politike, sesi mund të dalin nga varfëria familjet shqiptare.
Dy dollar në ditë për secilin anëtarë të familjeve në nevojë, ky është propozimi i Lëvizjes Socialistë për Integrim gjatë diskutimeve në Parlament për ndihmën ekonomike. Kryetarja e LSI, Monika Kryemadhi deklaroi se me skemën e propozuar i jepet fund varfërisë në familjet shqiptare.
“Konkretisht ne besojmë se mund ti japim fund varfërisë absolute për çdo shqiptar vetëm nëse: Fondi i ndihmës ekonomike do të shkojë 2% të GDP. Kjo do të thotë që mbi 80 mijë familje me mesatarisht 4 anëtarë do tu jepet nga qeveria 240 dollarë në muaj për çdo familje, pra 2 dollarë në ditë për çdo anëtar të saj në mënyrë për të kaluar pragun e varfërisë absolute. Për ne kjo është financiarisht e mundur dhe realisht objektiv i realizueshëm. Mjafton të kursejmë dy koncesione abuzive të shëndetësisë dhe kjo skemë do të jetë efikase”.
Monika tha se përmes kësaj skeme mbi 300 familje të varfëra do të dilnin menjëherë nga varfëria.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.