Faqja e parë e trishtë e ‘The New York Times’: Gazeta liston emrat e personave të vdekur nga Covid-19
Për të shënuar një moment historik të 100,000 vdekjeve të koronavirusit në Shtetet e Bashkuara, New York Times vuri si faqe të parë për edicionin e shtypur të së dielës, emrat e 1.000 njerëzve që kanë vdekur nga COVID-19.
Afro pesë muaj pasi u raportua rasti i parë i koronavirusit amerikan, SHBA u arriti 100,000 vdekje brenda disa ditësh. Faqja e parë e Times përfaqëson vetëm 1% të këtyre vdekjeve.
Secili prej emrave në faqen e parë u shoqërua me një nekrologji, duke përmendur moshën, emrin e secilit person, qytetin dhe shtetin, dhe fakte të shkurtra për jetën e tyre.
“Ata nuk ishin thjesht emra në një listë. Ata ishin ne”, – lexonte nëntitulli në faqen e parë.
Zyrtari kryesor krijues i The Times, Tom Bodkin, vuri në dukje se gazeta e së dielës është “me siguri e para në kohët moderne” që vendos një faqe të parë pa imazhe ose grafika.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.