Fasoneritë në botë – Industria e veshjeve mund të fshihet plotësisht, ndër më të rrezikuarat
“Nëse punëtorët tanë nuk vdesin nga koronavirusi, ata do të vdesin nga uria”.
Ky është vlerësimi i ashpër se si pandemia është duke ndikuar në industrinë e veshjeve nga Vijay Mahtaney, kryetari i Ambattur Fashion India.
Në kohëra normale, Vijay Mahtaney dhe partnerët e tij Amit Mahtaney dhe Shawn Islam punësojnë gjithsej 18,000 punëtorë në tre vende – Bangladesh, Indi dhe Jordani. Por pandemia i ka detyruar ata të mbyllin pjesën më të madhe të biznesit, me vetëm një fabrikë, në Dhaka, pjesërisht operative.
Bllokimet e koronavirusit nuk janë e vetmja gjë që ndikojnë në aftësinë e tyre për të paguar punëtorët. Ata thonë se problemi i tyre kryesor është kërkesa e paarsyeshme dhe e vogël nga klientët e mëdhenj – kryesisht në SHBA dhe në MB.
Kina mund të njihet si fabrika e botës, por kur bëhet fjalë për rrobat, Bangladeshi, Indonezia, Kamboxhia, Vietnami dhe Mianmar po luajnë një rol në rritje.
Kjo do të thotë që prodhimi i rrobave është një industri thelbësore për shumë nga ekonomitë në zhvillim të Azisë, me të dhëna të Organizatës Botërore të Tregtisë që tregojnë se Bangladeshi dhe Vietnami janë ndër katër eksportuesit më të mëdhenj të veshjeve në botë. Bangladeshi tani përbën 6.7% të pjesës së tregut, i ndjekur nga Vietnami me 5.7%.
Bangladeshi ka më shumë se katër milion punëtorë në industrinë e veshjeve, dhe produktet e tekstilit përbëjnë më shumë se 90% të eksporteve të vendit. Kamboxhia dhe Sri Lanka mbështeten gjithashtu në këtë industri për më shumë se 60% të eksporteve të tyre.
Profesori i asociuar Lu mendon se pandemia e koronavirusit mund të bëjë që vende të tilla si Bangladeshi, Vietnami, Kamboxhia dhe India të shkurtojnë midis 4% dhe 9% të punëve në sektorin e veshjeve.
Kjo për shkak se ky shpërthim mund të rezultojë në një ndikim afatgjatë si tek mungesa e punës, rritja e çmimeve të lëndëve të para dhe mungesa e aftësisë prodhuese, tha Profesori i Asociuar Lu.
Shitësit me pakicë duhet të ndihmojnë. Pagesat e ndihmave për industrinë nga qeveritë më të pasura janë gjithashtu kritike. Pa të, industria mund të fshihet plotësisht.
Dosti Banushi – SCAN
Burimi: BBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.