Fasonët, rrezikojnë 80% e punonjësve – Gjika: Qeveria të marrë masa për të shmangur falimentin e kompanive

Industria me material porositësi ndodhet në një situatë shumë të vështirë të krijuar nga COVID-19, për shkak se jo vetëm që nuk ka porosi nga shtetet me të cilat kanë lidhur kontratat, por edhe porositë e bëra nuk po tërhiqen. Në një intervistë në Skype për SCAN, Kreu i Dhomës së Fasonistëve të Shqipërisë, Gjergji Gjika, thotë se 80 për qind e të punësuarve në këtë sektor, parashikohet të dalin në asistencë sociale gjatë kësaj periudhe.

Gjika apelon qe qeveria të ndërmarrë masa serioze në mbështetje të këtij sektori që të shmangin falimentin e këtyre ndërmarrjeve.

Referuar të dhënave zyrtare të INSTAT, eksportet e tekstileve dhe këpucëve u përgjysmuan gjatë muajit mars. Sipas partnerëve tregtarë, pandemia ka goditur sidomos eksportet drejt Italisë.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.