Fati i banesave në Unazën e Re: “Nuk ka shembje, pa dalë VKM-ja për shpronësim”
Pa dalë Vendimi i Këshillit të Ministrave për shpronësimin e 123 familjeve që disponojnë banesa të legalizuara apo me certifikatë pronësie, nuk do të ketë prishje të ndërtimeve në Unazën e Re.
Ndërsa me kalimin e kësaj hallke, do të nisë shembja dhe vijimi i projektit. Për banorët që disponojnë banesa informale ofrohet bonus qiraje për 3-vjet dhe mundësi për kredi të butë.
Këtë çështje e ka prekur edhe kryeministri Edi Rama, duke thënë se aty ku cenohet prona e përbashkët, nuk ka legalizim.
Prej disa ditësh banorët e Unazës së Re, me apo pa dokumente pronësie, banesat e të cilëve preken nga ndërtimi i rrugës protestojnë për të marrë dëmshpërblim.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.