“Fatura” e detajuar e amnistisë në Kuvend! Arka e shtetit pritet të përfitojë 34.96 miliard lekë si rrjedhojë e faljes me kusht
Këshilli i Ministrave ka depozituar tashmë në Kuvend draftin përfundimtar të faljes fiskale të detyrimeve doganore e tatimore. Tashmë është bërë publik fakti se potencialisht, nga ky proces do të fshihen 90.97 miliard lekë.
Edhe në relacionin e nismës, ministria e Financave evidenton faktin se janë dy natyra borxhesh që fshihen. Kategoria e parë është borxhi që fshihet pa kushte, çka nënkupton fshirjen e gjobës pa asnjë detyrim për t’u paguar. Në total, borxhet që fshihen terësisht pa asnjë detyrim përllogariten në vlerë 29.52 miliard lekë nga të cilat në Drejtorinë e Përgjithshme e Tatimeve 28.36 miliard lekë ndërsa në Drejtorinë e Përgjithshme të Doganave 1.16 miliard lekë.
Kategoria e dytë që parashikohet është ajo e fshirjes së borxhit për detyrimet me kusht pagesën e principalit të borxhit. Pra, në këtë rast falen gjobat e kamatëvonesat me kushtin e shlyerjes së detyrimit fillestar.
Nga kjo kategori e dytë, shteti shqiptar nuk parashikon vetëm të falë, por edhe të përfitojë. Në total, nga kjo kategori falen 61.45 miliard lekë nga të cilat në tatime 53.20 miliard lekë dhe në dogana 8.265 miliard lekë. Ky proces parashikohet t’i sjellë arkës së shtetit 34.96 miliard lekë që përbën vlerën e principalit, pra borxhit fillestar që duhet paguar për të përfituar faljen e gjobave apo të kamatëvonesave për këtë borxh.
Tabela e detyrimeve që falen
Detyrime potencialisht per tu fshirë Total: 90.97 Miliard Lekë
Nga këto:
Fshirje detyrimesh pa kusht: 29.52 Miliard Lekë (Principal + Gjoba+Kamatvonesa)
Fshirje detyrimesh me kusht: 61.45 Miliard Lekë (Gjoba + Kamatvonesa)
Për t’u paguar si kusht 34.96 Miliard Lekë (Principal)
- Kategoria Fshirje borxhi pa kushte për detyrimet (principal+Gjoba+Kamat Vonesa)
Periudha: deri 31 Dhjetor 2010
Total: 29.52 Miliard Lekë (11.48 Principal + 12.05 Gjoba + 5.99 Kamatvonesa)
Nga të cilat:
DPT 28.36 Miliard Lekë (11.05 Principal + 11.73 Gjoba + 5.58 Kamatvonesa)
DPD 1.16 Miliard Lekë ( (0.43 Principal + 0.32 Gjoba + 0.41 Kamatvonesa)
- Kategoria Fshirje borxhi për detyrimet (Gjoba + Kamat Vonesa) me kusht pagesen e principalit te borxhit
Periudha: 01 Janar 2011 deri 31 Dhjetor 2014
Total: 61.45 Miliard Lekë (54.95 Gjoba + 6.50 Kamatvonesa)
Kushti: Të paguhet 34.96 Miliard Lekë principal
Nga të cilat:
DPT 53.20 Miliard Lekë (48.45 Gjoba + 4.75 Kamatvonesa)
DPD 8.25 Miliard Lekë (6.50 Gjoba + 1.75 Kamatvonesa)
Raste specifike shuarje detyrimesh:
-Detyrime të ndërmarrjeve të sistemit elektro energjitik dhe ujësjellësa me kapital 100% shtetëror
Detyrime që shuhen: 8.41 Miliard Lekë (8.1 Elektroenergjitika + 0.31 Ujësjellësat)
-Detyrime për individë që kanë shkelur afatin e regjimit të lejmit të përkohshem për mjete transporti me targa të huaja. individë fermerë qe kane tregtuar duhan prodhim vendi.
Detyrime që shuhen:
Penalitete dhe Interesa per Automjete nen regjimin e lejimit te perkoheshem: 0.0315 Miliard Lekë.
Detyrimet nga individe fermerë që kanë shitur produkte duhani prodhim vendi 0.192 Miliard Lekë.
SCAN
Për të parë relacionin e plotë: kliko këtu.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.