Fatura e konvikteve, 35 mln euro – Rehabilitimi, qeveria bëhet gati për të marrë 18 mln euro kredi
35 mln euro është vlera totale që nevojitet për rehabilitimin e të gjithë godinave të Qytetit Studenti.
Teksa komisioni parlamentar i Ekonomisë ka miratuar grantin e radhës, që e çon në 9 numrin e godinave që do të rehabilitohen u bë me dije se qeveria shqiptare po bëhet gati për të aplikuar për një kredi prej 18 mln eurosh, në mënyrë që të përmbyllet e gjithë ndërhyrja.
Ndërkaq, nga rehabilitimi I godinave sipas parimit të eficencës së energjisë do të kursehet 20% energji si dhe do të evitohet emetimi i karbonit në ajër, që aktualisht vjen si pasojë e djegies së naftës që përdoret për ngrohjen e ujit.
Përmirësimi I kushteve në godinat e qytetit student ishte një nga pikat e studentëve gjatë protestave të zhvilluara në muajin dhjetor.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.