Faturat e energjisë – OSHEE: Abonentët mund t’i paguajnë edhe të dielën

Të gjithë abonentët tashmë mund të bëjnë pagesat e faturave të energjisë elektrike edhe ditën e dielë, datë 30 shtator. Sipas Operatorit të Shpërndarjes së Energjisë Elektrike (OSHEE), do të hapen sportelet e Arkave dhe Kujdesit ndaj Klientit nga ora 0:8:00 deri në 18:00.

Kjo sipas OSHEE, iu vjen në ndihmë abonentëve që të kryejnë pagesat në kohë, në mënyrë që të shmangin kamatëvonesat ose ndërprerjet e energjisë.

Po ashtu, abonentët për çdo shërbim të nevojshëm, mund t’i drejtohen sporteleve të specialistëve të Kujdesit të Klientit, për raste të rilidhjes së energjisë elektrike si dhe shërbime të tjera.

Ndërkohë, është vënë në dispozicion të abonentëve edhe numri fiks i shërbimit 04 227 4141 për çdo informacion të nevojshëm.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.