Faturat e energjisë pas tërmetit – Sevrani: Familjet e prekura të bëjnë kërkesë për ndërprerje kontrate
Operatori i Shpërndarjes së Energjisë Elektrike po faturon edhe familjet, shtëpitë e të cilëve janë shpallur të pabanueshme, pas dëmtimit të tërmetit të 26 nëntorit.
Shqetësimi është ngritur nga Institucioni i Avokatit të Popullit duke theksuar se kanë mbërritur ankesa në këtë drejtim.
Administratori i Furnizuesit të Shërbimit Universal, Elton Sevrani tha se mund të ketë raste të veçanta, por bëri thirrje për qytetarët të bëjnë ankesë me qëllim zgjidhjen e problemit.
Sipas Institucionit të Avokatit të Popullit pranë këtij dikasteri kanë mbërritur edhe ankesa për mbifaturim. Sipas të dhënave të publikuara nga OSHE-së ankesat për vitin 2019 kanë arritur 36 mijë e 513 apo 5.7% më pak se viti 2018.
Ndërkohë që më herët kompania e ka konsideruar të ulët numrin e ankesave në raport me numrin e faturave që lëshohen çdo muaj.
Ola Mitre/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.