Faturat tatimore të përgatitura nga blerësi – DPT: Rastet e posaçme për zbatimin e kësaj skeme
Në rastin e shitjeve nga individët, ushtruesit e veprimtarive tregtare që nuk kanë cilësinë e tregtarit, fatura përgatitet nga blerësit me kusht që dokumenti të përmbajë të dhënat e shitësit dhe që vërtetohet nga furnizuesi.
Sipas Drejtorisë së Përgjithshme të Tatimeve, fatura e përdorur në këtë rast është fatura tatimore me numër serial që blerësi subjekt përdor në aktivitetin e tij. Në këto fatura shënohet gjithashtu në një vend të dukshëm ‘Faturë e lëshuar nga blerësi’.
Ndërkohë, po kështu, kur një shoqëri tregtare paguan për një shërbim rastësor konsulence, përkthimi, etj, në këtë rast, përfituesi i shërbimit përpilon një faturë e cila përfshin ‘Faturë e lëshuar nga blerësi’, të dhënat identifikuese të individit shitës të shërbimit, vlerën dhe tatimin që mbahet në burim të llogaritur për pagesën e këtij shërbimi.
Për zbatimin e kësaj skeme, sipas Administratës Tatimore, në mënyrë që blerësi mallit të tatueshëm të lëshojë faturën tatimore të TVSH në emër të furnizuesit duhet që:
Personat e tatueshëm që mund të aplikojnë këtë skemë përfshijnë organizatorë të lojërave të fatit me bileta, me çmim të parashtypur, që paguajnë komision ndërmjetësve transparentë për shërbimin e shitjes së biletave të lotarisë. Të gjitha këto fatura regjistrohen si blerje pa TVSH në kutinë përkatëse të deklaratës së TVSH-së.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.