Faturim informativ i energjisë/ Hapet tenderi për projektin pilot në Tiranë

Agjencia për Efiçencën e Energjisë ka shpallur tenderin për realizimin e një projekti pilot në Tiranë për faturimin informativ të energjisë. Referuar dokumenteve të tenderit, elementet sqarues në faturat e energjisë në mënyrë të ato të jenë të qarta dhe të kuptueshme (energjia elektrike, energjia për ngrohje dhe gazi natyror), duke rritur ndërgjegjësimin e konsumatorëve mbi mënyrën e konsumimit të energjisë prej tyre.

Faturat të cilat duhet të përmbajnë krahasime, në formë grafike, të konsumit në periudhën e faturimit të vitit aktual dhe konsumit në periudhën korresponduese të vitit të mëparshëm dhe duhet të bazohen në konsumin aktual. Gjithashtu, duhet të përfshijnë informacion se ku mund të merren këshilla për konsumin e energjisë në mënyrë efiçiente, si dhe rekomandohet të vendoset një numër telefoni jeshil (pa pagesë).

Fushata e informimit do të jetë një përpjekje për të rritur ndërgjegjësimin e grupeve të synuara rreth përfitimeve dhe mundësive të përmirësimit të efiçiencës së energjisë.

Tenderi ka fond limit 25 milionë lekë dhe afati për dorëzimin e ofertave është 16 mars 2021.

Detyrimet e operatorëve/furnizuesve duhet të përcaktojnë që, të paktën një herë në vit, t’u shpërndajnë konsumatorëve të tyre një faturë që specifikon si më poshtë:

-Konsumin në krahasim me të njëjtën periudhë të vitit të mëparshëm – Pasqyrë grafike dhe me tabela;

-Propozimin e masave që mund të ndërmerren nga klienti në mënyrë që të pakësohet monitorimi;

-Pikat e informacionit, , ku konsumatorët mund të gjejnë informacion të mëtejshëm.

Zbatimi i fushatës së përgjithshme kombëtare në media duhet të kryhet me aktivitete që synojnë grupet individuale të përdoruesve dhe/ose llojet individuale të konsumit final të energjisë. Aktivitete të tilla duhet të shoqërohen me një mbështetje financiare. Prezantimi i çdo programi bashkëfinancimi duhet të shoqërohet me aktivitete të fuqishme promocionale.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.