Faza 3, Conte : “Një fillim i ri për Italinë, numrat e fundit janë inkurajues. Populli ynë bëri sakrifica të mëdha, tani meritojmë buzëqeshje”
“Pas rreth një muaji nga 4 maji, numrat që mund të themi me kujdes relativ, por qartësisht janë inkurajues. Tani mund të fillojmë përsëri. ” tha kryeministri Giuseppe Conte në oborrin e Palazzo Chigi, në konferencë për shtyp.
“Ne e meritojmë buzëqeshjen dhe gëzimin pas disa javësh sakrificash të vështira. Por është mirë të kujtojmë gjithmonë se nëse jemi ndër vendet e para evropiane që mund të rifillojmë aktivitetet dhe kushtet e jetesës në siguri është sepse të gjithë ne jemi pajtuar që të ndryshojmë në mënyrë radikale zakonet tona të jetës, “vazhdoi Conte.
Megjithatë, përkundër përfundimit të kufizimeve, Kryeministri përsëriti se “masat e vetme efektive kundër virusit janë distanca fizike dhe përdorimi, kur është e nevojshme, e maskave. Braktisja e këtyre masave paraprake është një problem serioz”.
Gjatë konferencës për shtyp, Conte përqendroi vëmendjen në masat ekonomike dhe projektet që do të shërbejnë për ringjalljen e Italisë pavarësisht periudhës së krizës për shkak të bllokimit për Covid-19. Para së gjithash, ne duhet të përqendrohemi në turizëm sepse, kujtoi Kryeministri, “bukuria e Italisë nuk është karantinuar kurrë”. Tani, ai sqaroi, “një fillim i ri arrin.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.