FDA miraton “nxitëset” e Moderna, J&J – Agjencia mbështet gjithashtu kombinimin e vaksinave nxitëse
Administrata e Barnave dhe Ushqimeve në Shtetet e Bashkuara autorizoi doza nxitëse të vaksinave të Covid-19 nga Moderna dhe Johnson & Johnson dhe theksoi se amerikanët mund të zgjedhin një dozë të ndryshme nga origjinalja, si doza të dytë apo të tretë nxitëse. Vendimi krijon mundësinë që miliona më shumë njerëz në SHBA të marrin mbrojtje të shtuar, ndërkohë që varianti Delta po shkakton penetrim të virusit tek disa që ishin vaksinuar plotësisht.
Agjencia autorizoi më parë doza nxitëse të vaksinës së Pfizer të zhvilluar me partnerin gjerman BioNTevh, të paktën 6 muaj pas regjimit fillestar me dy doza, për njerëzit në moshë 65-vjeç e sipër dhe ata në rrezik të sëmundjes së ashpër, apo të ekspozuar shpesh me virusin në ambientet e punës. Javën e kaluar, një panel këshillues i Agjencisë, miratoi rekomandimin e dozave të treta të vaksinës së Moderna, për të njejtën grupmoshë.
Paneli rekomandoi gjithashtu një dozë të dytë të vaksinës së J&J për të gjithë pjesëmarrësit e regjimit të parë me 1 dozë, të paktën 2 muaj pas përfundimit. Agjencia dhe Qendra për Kontrollin dhe Parandalimin e Sëmundjeve, ishin nën presion për të autorizuar doza shtesë pasi Shtëpia e Bardhë lajmëroi planet në Gusht për një fushatë më të gjerë të vaksinimit.
Paneli vlerësoi të dhëna të miksimit të vaksinave, nga një studim i Instituteve Kombëtare të Shëndetësisë, ku 458 pjesëmarrës morën një kombinim të vaksinave të Pfizer, Moderna apo J&J. Të dhënat treguan se ata që morën fillimisht një vaksinë të J&J, kishin reagim më të fortë imunitar nëse merrnin nxitës të Moderna apo Pfizer dhe se përzierja e dozave ishte e sigurtë tek të rriturit. Shumë vende përfshirë Mbretërinë e Bashkuar kanë mbështetur strategjitë e miksimit për vaksinën e AstraZeneca, që nuk është autorizuar në SHBA, por bazohet në teknologji të njëjtë me J&J.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.